<\/p>\n
De Bartrenger Kam\u00e9idi hat s\u00e4in aller\u00e9ischten Optr\u00ebtt am Hierscht 1974. Theater gespillt gouf scho m\u00e9i laang zu Bartreng, mee e puer Leit aus dem deemolege Club des Jeunes wollten en Theaterclub mat eegene Statuten op d’Been setzen. De Jos Christen, \u00e9ischte President vum Club, ass eis nach bis haut als Auteur vun Theaterst\u00e9cker, Sketcher a Lidder erhale bliwwen.<\/p>\n
Eis Acteure spille all Joer am Fr\u00e9ijoer Theater op der B\u00fchn vum Centre Atert an am November Kabar\u00e4 am Festsall vun der Museksschoul ARCA. Net n\u00ebmmen op der B\u00fchn mee och hannert an nieft der B\u00fchn hu mir eis Leit d\u00e9i bauen, schminken, d’Beliichtung man, … Och hannert dem Comptoir sinn \u00ebmmer vill Leit gefrot, fir eise Spectateuren hiert Wuel ze suergen. Momentan zielt de Bartrenger Kam\u00e9idi 30 aktiv Memberen.<\/p>\n
Niewt eisen eegenen Theater- a Kabar\u00e4sproduktiounen versiche mir och, eise Spectateuren regelm\u00e9isseg flott Programmer vun nummhaften Auteuren an Acteuren ze present\u00e9ieren. Sou war de Jemp Schuster beispillsweis schonn oft bei eis zu Bartreng. Mee och de Kanner w\u00eblle mir eppes bidden. An deem Kader hate mer am Fr\u00e9ijoer 2010 den Agora-Theater mat engem ganz flotte Kannertheaterst\u00e9ck engag\u00e9iert.<\/p>\n
Mir free\u00ebn eis awer \u00ebmmer iwwer nei Talenter d\u00e9i zesummen mat eis duerch d\u00e9ck an d\u00ebnn ginn, awer virun allem mat eis w\u00eblle Spaass hunn an hiert K\u00ebnnen op an nieft der B\u00fchn w\u00eblle beweisen !<\/p>\n
D\u2019Gr\u00ebnnung vun eisem Theaterver\u00e4in war eppes ew\u00e9i eng Schwangerschaft d\u00e9i iwwert d\u2019Z\u00e4it gaang ass. Den 22. September 1972 hunn eng Rei vu jonke Leit sech zesummefonnt fir um Hunnefest \u201eDen alen Hennes an der Huewer\u201c, en 3-Akter vum Josy Christen, ze spillen. Do dernieft hunn am Club des Jeunes – zum Deel d\u00e9i selwecht Leit – prob\u00e9iert d\u2019Interessi vun der Duerfjugend wakereg ze halen, doduerch datt se am Kader vum Club Interessegruppen geschaf hunn, haut g\u00e9if ee vu Work Shop schw\u00e4tzen, \u00ebnner anerem eng Theatergrupp. Dat huet och s\u00e9ier Wuerzele geschloe, mee scho virun enger \u00e9ischter Opf\u00e9ierung gouf ee grousse Problem erkannt, an zwar d\u2019Geld! Theateropf\u00e9ierunge kaschte Geld: fir B\u00fchn, Geliichts, Droits d\u2019Auteur, e Regisseur asw, ouni un eng Gage ze denken fir d\u00e9i, di an 20 , 30 oder m\u00e9i Prouwen missten d\u2019Staang riicht halen. D\u2019Aussiicht, datt bei engem Succ\u00e8s awer s\u00e9ier vill Geld an d\u2019Keess komme k\u00ebnnt, huet d\u2019Fro opgeworf, ob de Club des Jeunes k\u00ebnnt esouvill Geld fir e klenge Grupp vu senge Memberen invest\u00e9ieren a w\u00e9i di vill Suen vum eventuelle Succ\u00e8s de Memberen (all) zegutt k\u00e9imen? D\u00e9i Fro konnt fir de Club des Jeunes ni zefriddestellend be\u00e4ntwert ginn an \u2019t gouf gesot: da gr\u00ebnne mer en Theaterclub! Dee selwechten Owend war och schonn den Numm vum Kand gewosst! Dat eenzegt wat deemools um Spillplang stoung, ware \u201eKom\u00f6dien\u201c, oder \u201ecom\u00e9dies\u201c , op gutt L\u00ebtzebuergesch \u201eKam\u00e9idist\u00e9cker\u201c an domat stoung de \u201eBartrenger Kam\u00e9idi\u201c op feste F\u00e9iss. Den 19. September 1974 hat de Ver\u00e4in Premi\u00e8re mam 3-Akter vum Josy Christen \u201eSou k\u00ebnnt een op den Hond\u201c, an dat op der B\u00fchn am Zelt vum Hunnefest.<\/p>\n
Den 3. Mee 1975 waren di n\u00e4chst Optr\u00ebtt, dat bei der Aweiung vum Schoul-, Sport- a Kulturkomplex, haut Polli genannt, wou de Kam\u00e9idi dann eng Rei vu Joere sollt seng Stammb\u00fchn hunn, \u00e9iert mer 1987 an Atert gepl\u00ebnnert sinn.<\/p>\n
Presidentin Sekret\u00e4rin Keessier Member(en)
<\/strong>Josiane Schmit-Rauchs<\/p>\n
<\/strong>Veronique Rauen-Maas<\/p>\n
<\/strong>Christine Hermes<\/p>\n
<\/strong>Laurence Kieffer<\/p>\n<\/div>\n<\/div>\n<\/div>\n